Archive for the ‘Bertsolaritza’ Category

El PP critica la «carga política» de la final del Campeonato de Bertsolarismo

2005/12/21

Berriz ere batzuek ezin ahoa itxita mantendu…

El PP critica la «carga política» de la final del Campeonato de Bertsolarismo

BILBO

El parlamentario del PP Carlos Urquijo lamentó ayer que el certamen de bertsolaris celebrado el fin de semana en el BEC, acto al que acudieron 13.000 personas, contaracon una «manifiesta carga política». En este sentido, Urquijo denunció que hubo por parte de los participantes «alusiones a los presos de ETA y a los encausados en el sumario 18/98, tanto en los mensajes como en la indumentaria».

Urquijo también denunció «la presencia de Arnaldo Otegi, quien fue entrevistado por ETB para la primera edición de las noticias, yla sonora pitada del público que recibió Miren Azkarate cuando hizo entrega de uno de lospremios». Estos hechos son, a su juicio, «datos también de las implicaciones políticas del acto».

Por todo ello, Urquijo ha pedido explicaciones a través de una pregunta parlamentaria al director de ETB para saber si lacadena pública piensa repetir la emisión íntegra de la final, a pesar de las «reiteradas alusioneslaudatorias» a los presos y a los imputados en el sumario 18/98, así como la razón por la que se recogió la opinión del portavoz de Batasuna

Advertisements

Txapelketari errepasoa

2005/12/19

Amets Arzallus

21 urte

Hendaiarra (Lapurdi)

Amets zen faborito atzo publikoaren artean, hala erakusten zuten behintzat behin eta berriro jasotako txalo zaparradek.

Txapelketako gazteena izanik, oso lan ona egiten ibili da aurreko saio guztietan , eta errez sartu da finalean. Lehen finala du hau.

Hainbat eta hainbat perla bota zituen atzokoan, argi zeukan nor zen bere txapleduna ,Egaña ametsen txapleduna, baina botatakoen artean bertso bat aipatu behar izatekotan , Agurreko hau aukeratuko nuke nik …

Andoniri eta Unairi

nere besarkada beroena

eta nola ez entzule maite,

zuretzat nere omena

nere aitaren ta aitarekin

beste nornahiren izena

bertso eskolan borondatetsu

Amets lagundu dutena

ta herriagan jarria daukat

nik azken itxaropena

presoak hemen aurrena

konponbidea hurrena

jo txalo gogor, elkar gaitezen,

hauxe da bide zuzena

noizpait Baionan jokatu dadin

aurten Barakaldon dena

Gerra erdian ere egon zen Unairekin…eta ez zen gaizki moldatu…

Poesiarik ez bota

gerra erdian nago-ta

ikusten zaitut erdi dardarka

dudatan koloka

segitu zazu tiroka

segi edozeinen kontra

hemen galdutzat emate hutsa

delako porrota (bi aldiz)

Petxu ondoan zauria

odol tantatan euria

baina ez al da okerragoa

malko isuria

bulegoko irudia

har zazu, berdin du ia

zapia baino nahiago dut nik

maindire zuria (bi aldiz)

etab…

Maialen Lujanbio

29 urte

Hernani

Finaleko emakume bakarra.

Orain lau urte Andonirekin lehian ikusi genuen buruz burukoan txapela nork eramango, aurten , 3.postuarekin geratu behar izan du.

Nik neuk, oso saio ona eginz uela esan behar bada ere, goizeko kartzelako saioan, malkoez aritu zirenean erabilitako neurri eta doinuak lagundu baino kalte egin ziola esango nuke.

Maialenek ez omen zituen atzo irabatzeko beharreko planetak alinetauta , eta agurrean adierazi zuenez, ez zuen engarrik egin irabazi ez izanagatik.

Biba Andoni, ia ez dago hitzik,

biba Unai, aupa, aupa

biok merezi zenuten

eta biok loriatan buka

nik Venus, Marte, Jupiter,

Pluton, ez neuzkan alineatuta

baina negarrik ez dut egingo,

nere botak askatuta

Maialen Lujanbiok botatako ale hau ere ez zen ahuntzaren gauerdiko eztula, batez ere, bukaerako arrazoiari dagokionez:

Ni inbiriz begira

zure loreari

ni ere lehen izan

nintzen zuhaitz handi

baina ebaki ninduten

eta jarri adi

paradoja bat degu

biok argi-argi

hildakoak nola eusten

dion bizitzari

Sustrai Colina

23 urte

Urruña (Lapurdi)

Gaztea hau ere , 23urteko lapurditarra finalean lasai ikusi genuen .

6.geratu zen , baina oso lan ona egin zuen, eta daukan adina ikusita etorkizun oparoa daukala esan genezake.

Sustrairen Kartzelakoa izan zen gehien unkitu ninduna, eta beraz…

Euskal Herria da inor

nahi ez duen erresuma

lagun batek amesten zun

herrian askatasuna

hargatik ospa egin zun

utziz gomu ta bilduma

Guardia Zibilek atzetik

egin zioten jarduna.

Zoritxarrez dula gutxi,

preso harturik laguna,

lagun oro egon gara

zer pentsa eta zer suma.

Gaurko honetan jaso dut

malkozko opari kuttuna,

ziegatik bidali didan

lehendabiziko gutuna.

Aupa Colina, ze moduz,

ongi al doa bizitza?

Hemen jasaten gabiltza

errepresio bortitza

kartzela beti izan da

bizitzeko toki hitsa

ta ukatu dizkigute

patioa eta hitza.

Horri erantzun nahiean

gu gose greban gabiltza

dukaguna ez delako

nor izateko baldintza,

deus baino nahiago nuke

hauxe izango balitza

hemendik idazten dudan,

azkeneko eskutitza.

Toneladako malkoak

dauzkadanean begitan

memoria iltzatzen zait

Donostiko afaritan

nun luze ibiltzen ginen

eztabaidan, ika-mikan

sexuan, kirol kontuan

eta gero politikan.

Baina kondena luzea

daukadanez oraindikan

jarraitu beharko dugu

garai zaharren inbiritan,

agur bat eta bi muxu

La Santeko ziegatikan,

ta ea txapel ta guzti

etortzen zaren bixitan.

Jon Maia

33 urte

Zumaia

Zumaiarra beti bezain tente, keinu serioarekin atzo, Mendiluzerekin puntutan berdinduta geratu zen 8.postuan.

Bere euskara bikaina eta bere itxura serioari eutsita bertso onak egin zituen gipuzkoarrak. Hona hemen batzuk:

Kartzelako gaia :Aspaldiko partez bi begiak busti zaizkizu”.

Langile ohia nauzue

gaur BECera natorrela

labe garai zahar haietan

soldadoreen papela

bizitza osoan borrokan,

borroka zen erregela,

kalera bota gintuzten

ze sentsazio zimela.

Orduko oroitzapena

jauzi da orain orbela

finalera etorri naiz

ta ez da gauza ustela,

pozten nau hau ikusteak

euskaldunaren ergela

orduko basamortua

euskerak bete duela.

Guri pasa zitzaiguna

juzga genezake grabe,

dena kontatu nahi nuke

orain xuabe-xuabe.

Enpresa usteldu zuten

hori ez da nobedade

hortako enpresarioek

ai zenbat abilidade.

Gaur BECen senti ninteke

halare guztien pare,

lehengo borroka haietan

ginen arrazoien jabe

ez dezala inork ahaztu,

memoria da zutabe,

guk botatako harriak

oholtzaren azpian daude.

Begirada ipini zait

umela baina ez iluna

neure herrian ikusiz

bertsolarien jarduna.

Hau ez da izan sekula

herri hontan ezaguna

nola hau beti izan den

industriaren erresuma,

asko euskaldundu gera

zer ikasi eta zer suma

jadanik bertsolaria

da gure bidelaguna,

begiak dauzkat malkotan,

hau da hau ikuskizuna,

gaurtik hasten da biharko

Barakaldo euskalduna.

Igor Elortza

30 urte

Durango

5.postuan , berak jada esana zuen ez zuela hau txaplketarik onena, Igor Elortza.

Bertsolari ona da Igor, badaki hone ere txaplketa batean egotea zer den, aurten gainera bere herrialdean , Bizkaian. Aita da jadanik, Durangoko zenbait konturekin konprometitua ta lanpetua .

Potoa izan zuen etsairik garrantzitsuena, eta urrengo txaplketan ikusi beharko zer gertatzen den …

Sentimentuak batzutan sartzen

dira zuzen-zuzenean

horrexegatik kantatu nahi dut

naizenaren izenean,

euforia dago denean

baita neure bllrrenean

egun haundia zela zeozerk

ematen zidan senean,

gure ordua helduta ez naiz

erori etsipenean

malko txiki bat egin zait beste

zazpien aldamenean

hona igo garenean.

Sentimentuak halakoetan

hartzen du harrapalada

hainbeste txalo, hainbeste jende

hemen bertatik bertara;

disgusto txiki ilada

izan dut azkenboladan

txaloen hotsak berriro ere

sortu dit niri dardara.

Ospitalean zaude zaude zu eta

Ni nabil hona ta hara,

denei begira bidaltzen dizut

zuri agur bat osaba,

laister ikusiko gara.

Ta behin bihotza martxan jarrita

noski ezin du gelditu

bapatekoak dauzka holako

makinatxo bat istripu,

sentimenen zirrikitu

gure bertso ta prediku

jente aurrean kantatzeko nik

ba ote dut nahiko meritu,

hamaika malko klase badaude

horixe dut konprenitu

batzutan penaz eta bestetan

pozetan ezin kabitu,

bizitzak biak behar ditu.

Aitor Mendilzue

30 urte

Andoain

Azkenaurreko geratu zen Mendiluze, Maiarekin puntuetan berdinduta.

Malkoak ere errez atera zizkigun ikusleoi Aitorrek bere semeez aritu zitzaigunean , kartzelako gai samurra jarri zieten atzokoan BECen bertsolariei.

Zenbait egunez lanetik ere

hartu genuen erdi jai

etxean bertan egon nahi nuen,

ahal nuen artean lasai.

Hasi aurrera begira eta

ustezko hamaika dohai

banituela pentsatzen nuen

bila joan nintzen, baina ai,

ilusioa izan daiteke

halakotan geure etsai,

ez nintzen sinisteko gai

ez nuen sinisterik nahi

ez zetorren nahiz eta luzaro

egon ginen gu bere zain,

zoritxarrean ez nuen egin

gero zorionean bai.

Halere Idoia animatzeko

hartu nuen nahiko kemen

bere gogoa, bere indarra,

akitu baitzuen nabarmen

holakoetan aitaren lana

babes ematea omen

eman nuen bai, baina neuk ere

beharra sentitu hemen,

pasa zaionak ondo badaki

haurtxo bat galtzea zer den,

baina bi galdu ondoren

horra Jontxu non dagoen

eta malkoak atera zaizkit

eskuz estali baino lehen,

zuk lasai seme, utzi negarrez,

aspaldi egin nahi nuen.

Aita bakarrik izan nahi nuen

helburu haundia bera

amagaia ere pronto zegoen

ta jo genuen aurrera,

ustekabean erdi bidean

eten zen gure karrera,

mediku batek hala esan zigun

eta ametsak gainbehera.

Aurretik egin genituenak

ondoren geure kaltera

pentsatuz beste aukera

nola irtengo ote da,

bigarrena ere galdu genuen

ilusioaz batera

baina orduan ere zergatik

ez zen malkorik atera.

Unai Iturriaga

31urte

Durango

Badaki Unaik soberan txapklketa bat zer den , eta erakusti zuen atzokoan.

Bere betiko gisan agertu zen, beltzez jantzita, erio, eta saio fina egin zuen , hain fina, buruz burukoan aritu zlea Egañarekin lehian.

Honek ere bertso ugari aipatzeko modukoak, baina Buruz burukoan egon zela aipatu dugunez, goazen txaplektearen parte horretako bertso bat hartzera, Maritxu da Unai, eta Bartolo Egaña harrapatu du iturrian utzitako ardo dena edanda.

Tentazioa neukan

ardoa tarteko

pittinka hasi naiz

ta gero edan lepo

trago batzuk egina

neronen kalteko

baina oraindik kapaz naiz

ejem egiteko

BURUZ BURUKOAN

Gaia: “Gau eskola bateko irakaslea zara. Aurrean dituzu dozena bat pertsona, neka-neka eginda eta, hala ere, gogotsu”.

Berriro ere klasean

bueno zer moduz gabiltza?

Kaixo Omar aspaldiko,

etorri zara Haritza.

Klaseak nahiz eta dugun

igual kutrea ta hitsa

zuen begietan dago

ikasi nahiaren printza;

zein etxeko lan gogorrak

fabrikakoa bortitza

lanak bukatu ta gero

hona praktika ta mintza,

euskeraz egin nahi hori

zuen geroko bizitza

hori ez da subjuntibo bat,

hori da lehen baldintza.

Astean bost egunetan eta bi ordu gainera

zuek ekartzen nauzue

sarritan neure onera,

guk beti pentsatzen dugu

hor goazela gainbehera

nahiz batzui ahoa bete

euskera eta euskera;

nahiz administrazioan

erantzungo duten zera:

“zuek zeuen poltsikotik

Ordaindu eta klasera”.

Batzuk lanetik besteak

lanera doaz ostera,

eskertu behar dizuet

etorri izana bera.

Beti baldintza txarretan hori da gure problema,

hizkuntza politika honek

ezarri digun kondena,

azalduko dute gero

txosten polit baten dena;

hona etorri behar da

hori da baina lehena.

Gero etorriko dira

horrenbeste teorema

euskara eskasten dabil

batzutan ez da zuzena

eta ez da egokia,

erdalgunean txarrena,

egokia da ikasi

eta erabiltzen dena

ANDONI EGAÑA

44 URTE

ZARAUTZ

Letra larriz idazteko moduko saioa egin zuen Andonik.

44 urte ditu , eta historia egin zuen atzo BEC-en. Lau txapela jarraian irabazi dituen lehen bertsolaria da, eta atzo, txapelketa Bizkaian jokatu zen urte berean lortu zuen azkenekoa.

Asko eta asko izan ziren botatako betso onak, hamaika aldiz eskaini zizkigun harmailetan geunden 13.000 kideoi bere hitz eta kantuak, umorea ere behin baino gehiagotan ipini bazuen, ez ziren gutxiago izan malkoak.

Ondorengo hau izan da gaur hedabideetan gehien ikusi dena:

Gaia: Aulkia.

Atsedena hartzea

ez degu kalteko

eta hori lortzen da

bera tarteko;

aulkia gauza ona da

bila joateko

nahiz aspaldian hemen

gu gauzkan menpeko,

hainbat ikusteko

edo erosteko

Ikean bai lepo

desberdinak seko

baina ezetz txikirik

behiak jeizteko. (bi aldiz )

Perlak ugari, kartzalkoa ere aipagai hemen, arratsaldekoa kasu honetan …

Gaia: “Gau eskola bateko irakaslea zara. Aurrean dituzu dozena bat pertsona, neka-neka eginda eta, hala ere, gogotsu”.

Ordiziarra naiz baina Santurtzin

hautatu nuen langintza

izan nintekeen zenbaitentzako

behar zuten argi printza.

Ezkerraldea erdalduna zen

neretzat a ze desditxa

euskaldun izan nahi zuten haiek

behar nituen zerbitza.

Ia hamarrak jo dute eta

nekarturikan gabiltza

halare eutsi pixka batean

eta dantzatu lapitza,

ia euskeraz pentsatu eta

euskeraz luzatu hitza

ez al da hori euskaldun baten

lehendabiziko baldintza?

Ia, Edurne, etorri zaite orain pizarra aldera,

ahal dan goxoen egingo dizut

ikasgaiaren galdera.

Bueno, mesedez, ez hainbat neka

ez al zintezke hor gera?

Kontatuko dut nik zenbat amets

egingo dudan aurrera.

Hau sumatzen det zonalde dena

euskalduntzeko bezpera,

ahalegin hortan zuek eta nik

lana daukago ospera.

Eta gauza bat bururatu zait

nor nori nork hau nabarmena da:

zuek, ni eta euskera.

Ekarri ditut pastaren batzuk

gainera hainbat kutizi,

ari den harek nola gustora

ari behar dun lehenbizi.

Zatoz Leandro alde hontara

zure kuaderno ta guzi,

atzo idazlan oso politik

nola ez nizun ikusi.

Aizazu, Mertxe, etzazu egin

gela hontan aharrausi,

ez ezazula logurea ta

gure helburua nahasi.

Lortzen badegu hiru hitzetan

hau egingo dugu kasik,

ordu mordo bat galduta, ordea,

mundutxo bat irabazi.

EGUNEKO ARGAZKIA:

Andoni Egañak lortu zuen Bizkaian jokatutako lehen txapela

2005/12/19

Lehenekoz Bizkaian jokatu zen atzo Euskal Herriko Bertsolari Txapelketa. Lehenkoz irabazi zuen Egañak txapela Bizkaian, aztokoarekin lau txapela lortuak ditu iada.

13.000 pertsona bildu ziren BECeko Bizkaia Arena pabiloiko armaietan bertsoaren festa handiaz gozatzeko.

8 bertsolariek lan desentea egin zuten txapela lortzeko ahaleginetan , eta azkenean eta laugarrenekoz Egañak eraman zuen berriz ere. Iturriaga geratu zen bigarren.

Barakaldok inoiz baino euskara gehiago entzun izan zuen atzo, ezkerraldearen euskalduntze prozesuan pausu garrantzitsua izan zen atzoko txapelketa. Bertsolariek ere hainbatetan aipatu zituzten Barakaldo, hizkuntza politika, Exhibition Center…

Egaña, Iturriaga, Lujanbio, Arzallus, Colina,Elortza, Mendiluze eta Maiak hainbat eta hainbat bertso egin zituzten gai-jartzaileek agindutako lanari jarraituta, desberdinak gaiak, eta desberdinak ere bakoitzak emandako ikuspuntuak, Egañaren ,maisutasunetik Ametsen gaztetasunak dakarren freskotasunera.

Hamaika gauza daude kontatzeko, hamaika bertso jar daitezke, baina momentuz hau da dagoena, beranduago saiatuko gara atzo bizitakoaren kronika zehatzagoa egiten , atzo bizitako giroaren berri ematen…

a!ahaztu gabe, Luknberritik Barakaldora, eta Gora Ezkerraldea euskaldun!!!!!!

Heltzear da Euskal Herriko Bertsolari txapelketa

2005/12/15

Hasi zen aspaldi txaplekta, saioak, finalaurrekoak… Lekunberrin hasi eta Igandean Barakaldoko BEC delakoan amaituko da 2005.eko Euskal Herriko Bertsolari Txapelktea.

Durangon bada ikusi nuen bertsolari txaplketaren bola handia zuen kartela, aste honetan iada BEC izugarri horren horma batean kokatu dute, egunero autobusean noala ikusten dut , nolabaiteko zirrara ere sortzen dit, 11.000 mila pertsona 8 bertsolari entzuten.

Hemendik sortea lehiatzen diren 8 bertsolariei, BECera heltzea jadanik txapeldun izatea da, ea orain nork ipintzen duen buruan txapela.

Hasi da 2005eko Bertsolarien Txapelketa Nagusia

2005/10/10

Amaia Agirrek irabazi zuen lehen saioa Lekunberrin eta bigarren Xabier Silveira izan zen 20 puntutara, 668.5 punturekin. Gainontzeko bertsolariak, puntuen ordenari jarraiki, Bixente Gorostidi, Estitxu Eizagirre, Igor Muniategi eta Joxe Juan Zubieta Etxabe.

LEHEN FINAL-LAURDENA KRONIKA

Lekua: Lekunberri, Plazaola Kiroldegian

Eguna: 2005-10-09

Ordua: 17:00etan

BERTSOLARIAK /PUNTUAKETA

Amaia Agirre 688,5

Xavier Silveira 668,5

Bixente Gorostidi 664,0

Estitxu Eizagirre 651,5

Igor Muniategi 622,5

Jose Juan Zubieta“Etxabe” 619,5

EPAILEAK: Jon Abril, Saioa Mitxelena, Eneko Bidegain, Felix Irazustabarrena, Mikel Aizpurua, Mirari Azula, eta Joseba Santxo.

ENTZULEGOA: 750 pertsona. Kiroldegia lepo bete da.

LAN PUNTUAGARRIA

Binaka, gaia emanda, 8ko Handian 3na bertso

Binaka, gaia emanda, 8ko Txikian 4na bertso

Bakarka, lehen puntua emanda, 3 bertso 8ko Txikian

Binaka, gaia emanda, 10eko Txikian 3na bertso

Kartzelako lana: bakarka, gaia emanda, 3 bertso nahi den doinu eta neurrian

Saioko irabazleak ziurtatuta dauka finalaurrekoetarako pasea, gainontzekoak, puntuazioaren arabera izango dute finalaurrekoetara pasatzeko aukera.

HURRENGO SAIOA

2005-10-15

Idiazabal, Igarondo pilotalekua

18:00etan

Bertsolariak:

Etxahun Lekue

Iker Zubeldia

Iñigo Izagirre

Asier Otamendi

Ekaitz Goikoetxea

Iñaki Gurrutxaga

http://www.bertsozale.com/

www.gaztesarea.net