D ereduko irakasle izan nahi dut eta harro nago!

Gaur goizean sare sozialetan irakurri dudan albistea irakurri ostean hamaika ideia pasatu zaizkit burutik eta egia esan, “Navarra Confidencial” hedabidearen goi karguei esatea okurritzen zaidan bakarra titularrean adierazitakoaren moduko esaldi bat dela uste dut.

Irakurri ez duzuenentzat, titularrak honela dio: “El 5% de los profesores del modelo D tiene antecedentes y el 25% está relacionado con el mundo batasuno”, ¿antecedentes? ze motakoak? akaso txakur bat zapaldu eta jabeak gure kontra egitea erabaki duelako? Akaso gazte zirenean polizia grisen aurrean korrika ibili zirelako? Akaso lagun baten despedidan mozkortu eta pelikuletan gertatzen den bezala polizia etxe batean amaitu zutelako? ¿mundo batasuno? zer da hori? “Vaya Semanita” saioan agertzen diren “batasunis” panpin horiek etorri zaizkit burura irakurri dudanean…

Nik eman ditut klaseak D ereduan, are gehiago, eman ditut klaseak ikastoletan (horiek omen ezker abertzalearen jaiotetxeak edo…), DBHn, eta zin dagizuet ez dudala poliziarekin inongo arazorik izan, eta euki izan banu be, zer? “batasuna”ren aldeko batek, alegia, ezker abertzalearen jarraitzaile edo botu emale batek ez al du irakasteko eskubiderik? PPkoek baino zilegitasun gutxiago edukiko du, akaso? Ikastolan sartu nintzenean EGA, Irakaskuntza titulua, lan eskarmentua… eta antzekoak eskatu zizkidaten, baina enuen inolako afiliatu txartelarik aurkezteko beharrik izan, zin dagizuet.

Lehen hezkuntzako irakasle izateko bidean nago orain, eta zin dagizuet, ikasi eta lan dena batera egiten dudan honetan buruan nire etorkizuneko ikaslak politikoki heztea baino gehiago dudala, irakasleak panpinak baino gehiago gara, kokoteraino gaude oporren kontua entzuteaz, kokoteraino lan gutxi egiten dugula entzuteaz… ez naiz beste ogibideekin sartuko, ezta gutxiagorik be, baina irakasleak badu egunero bere lana, irakasleak ez du bulegoan uzten lana, gutariko bakoitzak ikasle talde bat dauka eta ez da erreza ikastolatik atera eta burua itzaltzea, ez da batere erreza!

Hemen esteka irakurri nahi duenarentzat… motza, “desperdizio” bakoa!: http://www.navarraconfidencial.com/2013/11/18/el-5-de-los-profesores-del-modelo-d-tiene-antecedentes-y-el-25-esta-relacionado-con-el-mundo-batasuno/

EHUko irakasleen greba dela eta ez dela…

Antza denez, EHUko irakasleak biltzen ditzuten sindikatuek greba deitu dute hilaren 15 eta 16rako.

Ez naiz ni izango langile baten greba eskubidea kritikatuko duenik, ikasleok greba egiten dugun bezala, edo agian are arrazoi gehiagorekin egin dezakete irakasleek eta bestelako langileek ere greba, finean, bere nahiak lortzeko bide bat eta eskubide bat da.

Baina… kritikatzeko asmorik ez badaukat ere, komentatzea libre da, eta are gehiago nire eremu honetan.

Maiatzan sartuta gaude, unibertsitari asko jadanik liburuak mahai gainean dabiltza jotake ikasten ekaineko azterketei behar bezala aurre egiteko.

Irakasleek 2 eguneko greba egiten badute, zer egiten dugu ikasleok orduan? Argi dago jai egun gisa hartuko ditugula, espero ez genuen zubi bat izango da, maiatza erdian zubi bat, baina… egun horietan eman beharreko ikagaiak? Gai horiek azterketatik desagertuko dira, ala gure konu jorratu beharko ditugu?

Ikasleok grebari eusten diogunean gure kontu izaten da gero gaitegian galdutakoa eguneratzea, irakalseek egiten dutenean ere gure kontu izan behar al da?