Posts Tagged ‘Etxean nahi ditugulako…’

Berriak Martutenetik…

2007/08/27

Miren oso oso ondo dago!!

Zelako subidoia kartzelara joatea (bueno kartzelara jaotea ez, ez gaitezen engaina, Miren ikustea hainbeste denboraren ostean!).

Ilea moztu du, pila bat argaldu da, baina oso guapa dago eta gainera indartsu ikusi nuen, oso indartsu eta burua argi.

Hamaika gorantzi eman zizkidan zuek guztiontzako, bat bera ere ahaztu gabe, eta bat bera ere bidean utzi nahi ez zuelarik.

Esan zidan gutunak jasotzea dela “la ostia”, berdin zaiola noren berriak jaso baina kartzelako monotonia hori apurtzeko oso oso garrantzitsua zaiela gutunak jasotzea, kanpoko berriak, bakoitzaren bizitzaren gorabeherak,etab. eta jakin dezazuela bebai mugatuta daukala gutun kopurua, eta beraz, erantzunak lasaiatsunez helduko direla.

Karztela kartzela da, eta barrote artean inor ikustea ez da batere atsegina, baina benetan atzo nire barnetik pasa ziren sentimendu guztiak ikaragarriak izan zirela.

musuak

Hurrengo geltokia…

2007/08/24

Agian ez da nire amtsetako geltokia izango, agian ez da eguzki izpiek indartsuen jotzen duten lekua, baina bada aspalditik buruan daukadan lekua.

Bihar…nire oporraldi extra lasai hau astoratuko duen lekura noa,

bihar… konpainia berezia izango dut nire helmugan,

bihar… egun berezia da. (oso berezia)

Matiteneko espetxea izango da nire super bidaiaren helmuga. MIREN IKUSTERA NOA!!

Ez dakizuenontzat, Miren gure klasekidea da, orain 6 hilabete espetxeratu zutena eta orduz geroztik ikusteko aukerarik izan ez duguna, beraz, imaginatuko zenutenez, helmuga oso berezia da, biharkoa oso bidaia berezia da, bihar Miren ikustera noa, eramango dizkiot kazetaritzako iaksleen berriak, musuak eta gorantziak, kontatuko dizkiot ahal ditudan gauza guztiak, aprobaetxatuko ditut 40 minutuak nire bizitzako azken 40 minutuak bailiran.

Zin egiten dizuet bueltan emango dizuedala bisitaren berri.

Gure laguna delako, klasean gurekin nahi dugulako…

2006/07/23

Jakin dugu ikasturte osoan zehar zain egon garen albistea, ezagutu dugu, eta ez zaigu batere gustatzen.

Kazetaritza hasi genuenean ez genekien batak besteaz ezer,, baina 2.ikasturteari amaiera eman diogun honetan, klasekideak baino gehiago lagunak gara, eta orain, gauzak ezagutzen ditugu batak besteaz, errealitateak ezagutzen goaz itxura hutsaz gain, orain hasten gara lagunak izaten eta gure lagunei gertatzen zaienaz larritzen.

Hainbat denbora da genekiela Mirenen errealitatea zein zen, genekiela agian ez zuela karrera gurekin amaitzeko aukerarik izango, baina… nola sinistu?zelan imaginatu klasean ikusi beharrean agian kristal artera joan beharko dugula bisitan?

Heldu da ordea sinisteko unea, hainbeste denboraz luzatu den erabakia jakinarazi diote Madrileko agintariek gure lagunari, eta badirudi ez dutela errukirik izan 5 urte txakur artean egon beharko duela erabakitzeko.

Kazetaritza 2.mailako ikasleek argi daukagu , batzuek behintzat, Miren gure klasekidea baino gehiago dela, Miren gu guztiak batuta baino indartsuago dela, berak eman dizkigu guri indar lekzioak, pasa dituenak pasata hor, egunero klasean, egunez egun ikastarloak aurrera ateratzen gutariko askok baino askoz hobe, eta Miren kartzelara badoa, eta zoritxarrez hori dirudi dela gertatu beharrekoa, gu arduratuko gara unibertsitate guztiak jakin dezan gertatutakoa, ikasteko eskubidea izan dezan lortzeko borrokatuko dugu, eta bera ez bada, bere argazki bat behintzat gurekin joango da klasera egunero, gure laguna delako ezer baino lehen.

Miren guapa, jakin dezazula, irakurtzen badituzu lerro hauek, zu izan zarela guretzako klaseko pertsonarik berezienetakoa, eta jarraituko duzula izaten, eta kazetari klase baten egonda, gure berriak astero ezagutuko dituzula ziur egon zaitez, gure bisitaren zain egon zaitez…!!

MUSU BAT

Pausoz pauso eskualdean barrena

2006/04/09

Urola Kostako 400 elkarte, koadrila, talde, alderdi eta eragilek hartu dute lekukoa presoen eskubideak aldarrikatuz.

Ehunka lagunek presoen eskubideak aldarrikatu zituzten atzo Amnistiaren Aldeko Mugimenduak antolatutako Pausoz Pauso ekimenaren baitan, Zarauztik Azkoitira arteko bidea oinez eginez. Lekukoa, Urola Kostako 400 elkarte, talde, alderdi eta eragileetako kideen eskuetatik pasatu zen.

Goizeko 10:00etan jendetza bildu zen Zarautzen, Musika Plazan, «Euskal Preso Politikoen Eskubideen alde» oinez egiteko. Lehen lekukoa Zarauzko bi presoen senideek eraman zuten. Txalaparta hotsekin, idiaren adarrari puzka eta irrintziekin hasi zuten martxa. Ibilbidea hasi orduko istiluen aurkako materialarekin hornitutako ertzainekin egin zuten topo, Kale Nagusian.

Getaria eta Zumaiatik pasatu eta Zestoan geldialdia egin zuten bazkaltzeko. 400 pertsonentzako bazkaria prest zuten eta mahai guztiak bete ziren. 16:30ean Zestoatik abiatu eta Azpeitirako bidea hartu zuen ibilaldiak. Azpeitian ere jendetza zuten zain, etaozen zabald zuten atzoko aldarria.

Azkoitian bukatu zuten ibilbidea. Goizean hasitako aldarrikapenarekin jai giroan jarraitu zuten. Egarria asetzeko txotxa eta ondoren kontzertua izan ziren bertan.

Albistea urola kostako hitzan argiataratu da. Beraz, eskerrik asko!

Parisen dauden euskal presoei mezuak bidaltzea ahalbidetzen duen Txalaparta Irratia arriskuan

2005/11/10

Pariseko eskualdean dauden euskal preso politikoei asteartero asteartero mezuak bidaltzeko aukera ematen du Txalaparta Irratiak. Orain ordea arazo ekonomiko larria dute eta laguntza eskatzeko beharrean aurkitu dira. Kontu korronte bat zabaldu dute ekarpen ekonomiak jaso eta euskal preso politiko eta preso politiko korsoen elkartasun lanean jarraitu ahal izateko.

TXALAPARTA Irratiaren oharra:

Azaroa Radio Pays-en bizitzan azkeneko hilabete izango da, eta ondorioz baita Txalaparta Irratiarena ere. Duela hilabete batzuetatik hona bizi dugun egoera konpondu ezin dela dirudi.

Egun batzutan dirurik gabe geratuko gara eta 22.000 eurotako zor batekin. Zor hori berehala ordaindu beharko dugu emititzen jarraitu nahi badugu. Egoera beraz larria eta oso urgentea da.

Datorren otsailean dirulaguntza bat jasoko dugula uste dugu. (Dirulaguntza horrek gure ekintzekin jarraitzea halabidetuko digu, informatu eta zabalpen lanean baita euskal preso politiko eta preso politiko korsoen elkartasun lanetan ere)

Hala ere gure etorkizuna kinka larrian da.

Orain dela aste batzuk laguntzarako dei bat luzatu genuen, jakinda mezua luzatzen genien jende askok dagoeneko badituela beste gastu asko. Gaur, zuek guztiengana zuzentzeko beharrean aurkitu gara, zuen ahotsa Pariseko eskualdeko kartzeletan dauden euskal preso politikoengana iritsi dadin lanean jarrai dezagun.

Eskertuko genizueke mezu hau ahalik eta gheien zabalduko bazenute.

Eskarrik asko eta aurrera!