Zerraldoak protagonista

Izenburu zuzen bezain iluna aukeratu dut artikulu hau izendatzeko.

Telebista jarraitzen duen horietakoa naiz, albistegiak, telesailak…irratia ere entzuten dut, musika saioak batez ere, interneten dauden egunkari digitalen irakurle fidela naiz.

Tira, albisteetan jarrita egoten naiz, Euskal Herriari dagozkien albisteetan batez ere, euskal gatazka, gure herria… mezu dituzten albisteetan jarrita batez ere.

Aurreko astean Jokin Gorostidiren bihotzekoaren albistea irakurri nuen interneten, 18/98an epaitutako gizon horri bihotzekoak emana.

18/98 aipatuta, baina hori baino askoz lehenago izan da ezaguna Gorostidi, Frankismoak jada kondenatu zuen Burgosen orain hainbat urte.

Gaurko egunkarian, azaleko argazkian ordea, bere zerraldoa agertzen da, ikurriña gainean, bikotea, Itziar ukabila gora, eta oraingoan ere ezker abertzaleko militanteak, ordezkariak, lagunak inguruan.

Protagonista, zoritxarrez heriotzaren unea heldu zaiolako izaten ari da Jokin protagonista egunotan, nahiagoko luke seguruenik 18/98 epaiketa famatua amaitu izanagatik protagonista izatea, ala hainbeste urtez borrokatu duen herriaren askatasuna lortu izanagatik…

Azken hilabeteotan,ordea, gure herri honen alde borrokan aritu direnen zerraldoak besterik ez ditugu izan protagonista.

Otsailak bere azken egunak betetzen zituela, Igor Angulo, Martxoaren lehen egunetan Roberto Sainz, apirilaren amaieran Jokin Gorostidi, denak ala denak ikurriña gainean eta kutxa baten barruan.

Aurrekoetan esan bezala, atera kutxa ilun horretatik eta bildu hor nonbait dauden besteekin gu gidatuko gaituen izarrari argia emateko…

18/98, epaiketa politikoaren hasierako saioan aldarrikpenak eta epaileen profesionaltasun eza, gaur bigarren saioa

Bigarren saioa du gaur 6-8 hilabetez luzatuko den 18/98 auziak. 56 euskaldun daude Madrilgo Casa de Campo delako horretan getakizunerako prestatutako gelako bankuetan eserita, guztien artean ia 1000 kartzela urte bete beharko dituzte errudun gertatuz gero. Haiekin batera, 13 abokatu, fiskalak, AVT-ko kideak, epaileak…

Atzo eman zitzaion hasiera zenbaitek epaiketa politiko izendatu duten honi, eta esaten dutenez 6-8 hilabetez luza daiteke. Defentsako abokatuek epaiketaren atzeratzea eskatu bazuten ere, fiskaltzak eta epaileek ez zuten onartu, beren zoritxarrerako, ostean beraiek utzi behar izan zuten bertan behera, antza behar dituzten frogak ez daude behar bezala.

Egia esan gutxi dago esateko, albistegi gehienetako berririk aipagarriena da , egunkari askotako portada, eta datuak errez aurkituko dituzue bai sarean bai paper euskarrian, telebistan…

18/98, eskubide zibil eta politikoen defentsan dio auiperatuek eramaten duten kamiseta ilunak, eta benetan tristea da ikustea zelan sartu dtuzten saku berean hainbat enpresa, hainbat sektore desberdinetako hainbat eta hainbat eragile, 56 euskladun XXI.mende honetan Espainiar juztiziak epaituak, orain 40 urteko garaiak berriz ere bizitzen ari al gara?

WEBGUNE INTERESGARRIAK:

http://www.18-98plus.org/

http://www.euskalherria.com/atxekimenduak/18_98_ikusi.php