Arnasa hartu

2009/05/03

Hartu arnasa eta bota… eta behin egitearekin nahiko ez baduzu, egin ezazu behar beste aldiz: hartu arnasa sakon eta ahotik bota…

Behin egin dut, eta birritan, hirutan ziur….baina azkenaldian arnasa 10 aldiz hartu eta bota arren ito egiten naizela sentitzen dut.

Denborak aurrera egiten du etengabe, dagoeneko ez ditugu 15 urte, ez 16, ezta 20 ere. Amaitu ditugu ikasketak, eta heldu da lanean ahsteko unea, edo behintzat horrela beharko luke.

Hasi gara ezkontzak eta izaten, ezkontzaz paso egin eta lagunek etxetik nola alde egiten duten ere ikusten gabilz azkenaldian. Ikusi bakarrik balitz… nik uste ikusi baino, inbidiaz begiratzen diogula egoerari, inbidia sanoz, hori bai!

Lagun berriak ere joan dira agertzen, edo lagun bihurtu aurretiaz ez zirenak. Atzo eta ezkontza bat aitzaki, jende berriarekin egoteko aukera izan nuen, agian ezin "lagun" direnik esan, ezagun litzateke hitzik egokiena, baina agian denborak aurrera egiten duenean, orduan bai  izango dira lagunak, zergatik ez?

Erabakiak hartzearekin batera, erabakiak onartu ere egin behar dira, edo erabakiak baino, errealitatea bera onartu. Gatza da abtzutan. Nik egin behar dudan horrez gain, edo akaso nik egin beharko nukeen horrez gain, nola onartu zuk egin behar duzuna? Aurpegian irribarre bat eta burua tente? gauza batzuetarako horrelakoa izaten naiz, kokiltzen ez den horietakoa, baina itxura gogor horren azpian bada negar egiteko etengabeko gogoa duena, arnasa hartu ezinik dabilena.

Ordenagailua itzali eta sofa gainean jarrita, ajeak uzten badit, gaur ere saiatuko naiz arnasa hartzen, gaur ere saiatuko naiz behin ez bada birritan, edo hirutan, ea gaur arnasa sakon hartu eta barruak lasaitzen zaizkidan.

Kokoteraino!

2009/02/18

Zutaz, bai , zutaz, irakurtzen ari zaren gizajo horretaz, nor zaren eztakidan arren , agian ezagutzen ez zaitudan arren, sekula be inork irakurriko ote duen ez dakidan arren…, zutaz be kokoteraino nago! (ez txartzat hartu,mesedez!)

Maiz gertatzen zait, lan gehiegi dudanean, norbaitekin arazoren bat dudanean, zerbait egin nahi eta ezin dudanean… guztia bidaliko nukeela popatik hartzera… lana, taberna, ikasketak, lagunak, lagun plantak egiten dituztenak, buruko mina sortzen diatenak….

Nola egin egoera hau, ordea, aldatzeko?

Denborak emango dio konponbidea…

zuk, zure ondoan igarotzen ditudan uneek.

zuek, eta zuekin konpartitzen ditudan solasaldiek…

zuk, noizbehinka email bat bidaltzen didan horrek…

Lanak… zergatik ez esan, lan munduan gustura nago… ez gaitezen engaina, batez ere hilabetearen amaiera iristen denean…

Urrun zauden horrek… gutun bat bidaltzen didazunean …

Guztiek lagunduko nauzue nire "kokoterainitis" egoera hau aldatzen…

Agian besterik ezean, beste astebete eman beharko nuke Briñasen nerabeekin… haien arazoak entzun eta 14-16-18 urterekin zein ondo bizi nintzen pentsatzen…

Zer iruditzen zaizue?

2009/01/28

Olentzero...

Adiorik ez!

2008/12/03

Izarren hautsa egun batean

 bilakatu zen bizigai,

hauts hartatikan uste gabean

noizpait ginaden gu ernai.

Eta horrela bizitzen gera

sortuz ta sortuz gure aukera

atsedenik hartu gabe:

lana eginaz goaz aurrera

kate horretan denok batera

gogorki loturik gaude.

Gizonak badu inguru latz bat

 menperatzeko premia,

 burruka hortan bizi da eta

hori du bere egia.

Ekin ta ekin bilatzen ditu

 saiatze hortan ezin gelditu,

jakintza eta argia:

 bide ilunak nekez aurkitu

 lege berriak noizbait erditu

hortan jokatuz bizia.

Gizonen lana jakintza dugu;

ezagutuz aldatzea,

naturarekin bat izan eta

 harremanetan sartzea.

Eta indarrak ongi errotuz

gure sustraiak lurrari lotuz

bertatikan irautea:

ezaren gudaz baietza sortuz

ukazioa legetzat hartuz

beti aurrera joatea.

Ez dadukanak ongi ohi daki

eukitzea zer den ona,

bere premiak bete nahian

 beti bizi da gizona.

Gu ere zerbait bagera eta

gauden tokitik hemendik bertan

 saia gaitezen ikusten:

amets eroak baztertuz bertan

sasi zikiñak behingo erreta

bide on bat aukeratzen.

Gu sortu ginen enbor beretik

sortuko dira besteak

 borroka hortan iraungo duten

 zuhaitz ardaska gazteak.

Beren aukeren jabe eraikiz

 ta erortzean berriro jakiz

 ibiltzen joan direnak:

gertakizunen indar ta argiz

gure ametsa arrazoi garbiz

egiaztatuko dutenak.

Ikaragarri ondo pasatu genuelako!

2008/10/29

Lehen ezkontza izan zelako, eta ikaragarri ondo pasa genuelako….

Zorionak! eta Urte askotarako izan dadila!

 

“Escritura automática”

2008/10/29

Inoiz egin al duzue "Escritura automatica" delako horren ariketarik?

 Gomendatzen dizuet… are gehiago… gomendatzen dizuet guk egindako gai berari eustea…

Zertan datza?

Tira… hartu paper bat, boligrafoa, eta ahaztu guztia, ahaztu non zauden , ingurua, ondokoak… eta idatzi… besterik gabe, idatzi, 5-6-7-8… minutuz, berdin dam besterik gabe idatzi… ez zaindu ortografia, paragarafoak, aurkezpena… berdin da, besterik gabe, idatzi…

 Idatzi ostean, hartu tarte bat idatzitakoa irakurtzeko eta idazteko une horretan izan dituzun sentsazioak besteei helarazteko!

GAIA?

Gaurkoan, egin denmboran atzera, eta itzuli 15 urte zenituen gaerai hortara, edo 16, inkluso 17 behar bada, gogoratu zure lehen zigarroa, edo lehen musua, edo juerga bat… idazten zaudela, gogoratu zure lagunak, dena, irudi bat, berdin da, kokatu zure burua adin hortan eta ea zer sentitzen duzun…

ekaitzaren ostean barea dator?

2008/09/27

Zelako bolada…

 Nondik hasi?

Lanean egon naizela esaten, ala agian hobe dagoeneko lanik ez dudala esaten?

Unibertsitatea faltan botatzen dudala ez dizuet kontatuko… ezagutzen nauzuenek, badakizue, eta gainera, badakit enaizela bakarra.

Amaitu ditugu ikasketak eta antza lana bilatzen hasteko unea heldu da.Zergatik? nori bururatu zitzaion batek daki noiz baieztapen hori egitea? Zergatik 22 urterekin hasi behar gara lanean 60 izango ditugun arte? Ah!bai! gogoratzen dut… bestela sekula bez ez dugulako nahikoa diru izango bankuari hipoteka ordaintzeko, alegia, bestela inoiz ezingo dugulako etxetik alde egin… baina… zergatik? erantzuna ezagutzen duenik ba al da?

Amaitu ditugu ikasketak, batzuek behintzat… ekainean amaitu nuen nik. Azken azterketa egin eta hurrengo egunean lanean hasi nintzen. Ondo? gaizki? balorazioetan jarzteak ez du gehiegi merezi, kontua da, lanean egon nintzela, hilabete batez, kontratuarekin eta soldatarekin…

Irratitik ere deitu ninduten… irratiko ahots izan nintekeen… eta ezezkoa eman nien… zergatik? ba hemen ere ez dakit erantzuna zein den… baina tira! erabakia hartu nuen bere garaian, ona? txarra? egokia? ez dauka atzera bueltarik, beraz, besterik gabe esan dezagun , erabakia hartu nuela, eta uztailan lan egin ostean oporrak izan nituela abuztuan… irratiko ahots ez naiz izan uda hontan … baina, batek daki! agian etorkizun batean bai!

Iraila… oporren amaiera ofiziala jende gehienarentzako… baina… ikasketak amaituta,  lanik gabe, zer da amaitzen dena? ikasle bizitzaren amaiera? ala agian langile bizitzaren hasiera? ala langabe bizitzaren hasiera? ai ama! zenbat gauza! Iraila, eta orain zer? gauzak ez dira beti bezain errezak… ez dira egunak pasatu eta berriz ere unibertsitatera itzultzeko eguna… orain zer?

Orain zer hori ez zen batere erreza izan… batetik master bat? 6.000€? 8.000€?? beste karrera bat? eta Bolonia prozesuarekin, egunero klasera? ai ama!, agian hobe ikastaro bat??

Bueno, erdi erabakita, bigarren karrera bat, bigarren zikloa, eta CAP ikastaroa etorkizunean irakasle izan ahal izateko… lanen bat bilatzea ere ez legoke gaizki, negu osoa sosik gabe ibiltzea… uff!

Erabakia hartuta edo erdi hartuta, beraz… unibertsitatera, matrikula… eta bapatean … konturatu gabe, bilatu gabe… lan baterako proba bat! ai ama! zergatik? non? zer egiten? zenbat kobratzen? eta ordutegiak emango ald it aukera pentsatutakoa egiteko? lehenik eta behin agian pentsatu ebharko da hartuko nauten ala ez… tira… proba egitea izango da egokien…

 Eta proba bat egiten denean, gogoz eta hartuko zaitzuten esperantzarekin egiten da,ez? Bueno, ba nik ere, zergatik ez…

 Hura sorpresa lana eskaintzeko deitu nindutenean… Niri? lana? EiTb-n? erredaktore lanetan? eta ze ordutegi? eta soldata? =a! ez! hau ez da telefonoz galdetzen!)

Ba bueno… gauzei datozen heinean aurre egin behar zaie, eta bizitzaren leloa omen da ikasketak amaitutakoan lana aurkitzea, beraz, unibertsitatetako matrikula bertan behera, eta lanera!

 Lana? a! bai! lana! kazetari moduan… bueno kazetari, itzultzaile, teknikari, telefono hartzaile… eta hori bai! kontratuan ipintzen duenez, "tekniko multimedia". Soldataz komentariorik ez, agian lehen lana izateko ez dago gaizki, edo bai… agian txarrago ere izan liteke… ala ez…

Ordutegiaz, ordea, hitz bi… bi bakarrik,e!asteburuak! ai ama! 12 orduz jarraian!zergatik? eta asteburuak ez al dira bereziki ordaindu behar? a! berriz ere ahaztu dut siruaren inguruan hobe dela ez gehiegirik galdetzea…

Kontua da, hasi bai, hasi nintzela, eta hamaika gauza iaksi bebai… batetik interneteko albiste portal batek dituen gora beherak… nola igotzen dira albisteak? a bai! Ibanek, Dabidek, Ikerek… erakusti zidaten! Eskerrik asko beraiei! baina… uff! agobiop! eitb24, eitb.com izatera pasatuko da, eta … ezin akatsik egon, beraz, panel berria eta panel zaharra batera ikasi behar dira, jotake… lanegun gogorrak, baina tira…. zezen handiagoetako plazetan ere izan gara, beraz, aurrera bolie!

Baina… zer gertatzen da enpresak zure kontratutik at geratzen den zeozer esaktu eta hemen azaltzen ipiniko ez naizen arrazoiengatik ezezkoa ematen duzunean? A! bai! proba hilabetearen barruan zaude, beraz, kalera! Ze aurpegi ipini behar da? Nork dauka errua? Zuk? alegia, kasu honetan , nik? bai! enpresak disponibilidadea eskatu dizu, alegia, zure asteburuak ez dira urrirarte hasten, baina bapatean bururatu zaie zuk ez duzula bizitzarik lanik kanpo, eta orduan , lanera joan zaitezkeela bihar bertan … nola? a bai! "explotacion laboral" esaten zaio? edo "eres una pringada y tienes que hacer lo que digamos"? Bueno, ba "pringada" igual bai… baina "explotacion laboral" la justa… eta ezezkoa eman nien… orain langabetua naiz "explotatua" izan beharrean… zer egingo diogu…?!?

Hori bai… nire ezezkoak gauza on ona eduki zuen, alegia, ezezkoaren arrazoia oso oso oso inportantea izan da niretzako… alegia… Martuteneko ateak zeharkatzea, suposatzen didan nerbioekin, suposatzen didan egonezarekin, hain da niretzat pozgarria, ezin duzuela imaginatu ere egin! Ezetz esan nien telebista publikoko arduradunek kontratatuta daukaten kontratako arduradunei, eta egun berean, Miren ikustera joan nintzen, eta Mirenek bai, berak ematen dizkit aurrera egiteko indarrak, aurrera egiteko gogoak… beraiek ahal badute, guk ere…! Gora zuek!

Baina tira… langabean, ezer egin gabe… ai ama! berriz ere , ai ama! eta orain zer? lan bila? ba ez! astebete daramat langabean… bueno 4 egun… eta horetatik pare bat lo egiteko aprobatzatu ditut, eta beste parea aspaldi ikusi gabeko lagun batekin eman ditut Zinemaldiaren "Glamour"a apur bat barrutik bizitzen… behintzat! zeozer ezberdina egiten… laguna ustet oraindik harrituta daukadala… bota zaituztela? zergatik? baina…? Lasai bakiotarra, benetan… zuk ez daukazu errurik, ezta Eiderek, ezta Kaitinek, ezta Gaizka, Iban, Dabid… nik neuk edukiko dut agian errua… ala enpresako arduradunek… ala Eitb-ko jefeek… ala lanetik harago bizitza bat dagoela uste dutenek… ala batek daki nork! agian besterik gabe patua izango zen…

Noski… lana bai… lana ez… hau , bestea… ez da batere "agradablea" zin dagizuet! galde deiezaiotela bestela Eneko gaixoari… ai ama!! jajja! beti hor! negar egin ebhar bada , negarrak entzuten , barre egin behar bada, barreak entzuten…eskerrak!

 

Zer gehiago?

Ba… hamaika bider saiatu naizela hemen idazten azken hilabetean, baina traste hau ala eztakit zer nire aurka jarri dira (agian astroak lerrokatuta edo izango ditut!) eta ezin izan dut…

Besterik gabe… gauza on guztiek izan ohi dute amaiera… eta suposatzen dut gauza txarrek ere edukiko dutela… 

Esaten zuen Hertzainak taldeak kantu ezagun baten barearen ostean ekaitza datorrela… alderantziz ere gertatuko da,ezta?

 ekaitzaren ostean, barea?

(Ai ama… zelako txapa sartu dizuedan….)

PD: Orain alde egin beharra daukat, badakit ergatiboren bat, hizkiren bat eta batek dakiz enbat gauza jan ditudala testu honetan… bana, den ordua kontutan izanda, zeinen luzea den kontutan izanda, eta hori… ba… bihar konponduko dut, lasai!

… to be continued…

2008/09/10

… to be continued…

 eta jarraitzen dut!!!!!!!

 berriz ere eitb-ko erredakziotik… berriz ere eitb24.com-eko ordenagailuetatik…!

beste egun bat… asteazkena… batzutan 10 urte daramatzadala dirudi eta beste batzutan gaur bertan hasi naizela…

egia da gauzak iaksten direla hemen… egia da eitb-ren hamaika mila irizpideetatik batzuk jadanik ikasten noala (edo behintzat entzuten!) , zuzentzaileekin hau ta beste, koma hau non ipini edo hitz edo esamolde hau nola euskaratu…

egia da ere enuela nik nire burua itzultzaile lanetan ikusten… eta azken hiru egunetan nire bizitza osoan baino testu gehiago itzuli ditudala…ondo? gaizki? bueno… beti beste pertsona baten gidaritzapean (normala da lehen egunetan,ezta?), beraz erdi ondo erdi gaizki, beti dago zer konpondu eta beti dago ondo dagoenik…

irailak 10. eguna du gaur, bihar 11-S famatuaren urteurrena da… eta Lizarra Garazi akordoaren 10. urteurrena… eta bihar batek daki, ziur hamaika pertsonek urtebetetzea ospatuko dutela… edo agian batenbatek heriotzaren bat edukiko du gogoratzeko bihar, edo urteurren bat edo beste… edo batek daki…

 Ni bihar goizeko 7:30etan hemen izango naiz…

 

eta orain… gauza gehiago ipini nahi nituzke, baina Arzallus eta Ibarretxeri buruzi datzi behar dut!